وذنبك ايه ؟
وانا اللى بايدى ضيعتك
صبرتى عليا وجرحتك
وضحيتى كتير علشانى
ولا غبتى عليا ثوانى
وظلمتك وكنت الجانى
وقابلتك بحب انانى
ونسيت انك انت الحب
وظلمتك ومن غير ذنب
يا اطيب وأجمل قلب
سامحينى سامحينى
انا وقلبى اللى هونتى عليه
وذنبك ايه ؟؟؟؟؟
من بعدك تعبت وضعت
وكأنى ف غربه وتوهت
وبقالى سنين ما رجعت
حبيتك لكن ما لقيتك
وإن غمضت عينى بشوفك
وبروحى بعيش مع طيفك
بقى هو اللى عايش بيه
وبشوق الحياه بناديه
اقرب له ومش بالاقيه
سامحينى سامحينى
وذنبك ايه ؟؟؟؟؟
كتير بحلم انا بيكى
ياخدنى حنينى لعنيكى
اشبك ايدى ف ايديكى
وروحى تسيبنى توصل لك
بكل الشوق بتوصفلك
مفيش ف القلب غير حبك
يا احلى ملاك ومين زيك
واحط جبينى على كفك
واغمض عينى وأنا شايفك
ندوب ف غرام وأحلى كلام
مع الأحلام
تقولى سلام
تقولك روحى خليكى
سامحينى سامحينى
انا وقلبي اللى هونتى عليه
وذنبك ايه ؟؟؟؟؟
كان حبك بكل وفا
وصديتك بكل جفا
وسامحتى بكل صفا
لكن ذنبى يضيع الحلم
وبعد ما ضعتى شلت الهم
وبدل الدمع بنزف دم
وصرخه شوق بكل ندم
واحساس بالضياع لحلمى اللى ضاع
ومش هالاقيه
سامحينى سامحينى
انا وقلبى اللى هونتى عليه
وذنبك ايه ؟
عادل علي
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.